Handilstreytir

Yvirskipað

Hesar handilstreytir eru galdandi fyri keyp á nethandlinum hjá Blómuhúsinum. Tá tú bíleggur eina vøru, góðtekur tú samstundis hesar treytir.

Vit taka fyrivarni fyri prísbroytingum, útseldum vørum, tøkniligum villum, myndavillum og skrivivillum.

Prísir

Allir prísir á síðuni eru í føroyskum krónum og við mvg, um ikki annað er tilskilað. Prísurin, sum sæst í kurvini og á checkout-síðuni, er tann prísurin, tú rindar.

Bílegging

Tá tú leggur eina vøru í kurv og váttar bíleggingina, verður bíleggingin skrásett hjá okkum. Tú skalt tryggja tær, at upplýsingar sum navn, telefon, teldupostur, móttøkuháttur og møgulig heilsan eru rættar.

Um okkurt er ógreitt í bíleggingini, kunnu vit seta okkum í samband við teg, áðrenn vøran verður gjørd klár.

Gjalding

Gjaldsháttirnir, sum eru tøkir í checkout, síggjast á bíleggingarsíðuni. Bíleggingin verður avgreidd sambært tí gjaldshátti, tú velur.

Avheinting

Velur tú avheinting, verður vøran gjørd klár til avheintan í Blómuhúsinum eftir tí degi ella tíðspunkti, sum tú hevur valt ella avtalað.

Um tú hevur brúk fyri at broyta avheintingartíð, skalt tú seta teg í samband við okkum skjótast gjørligt.

Útkoyring

Velur tú útkoyring, verður vøran koyrd út eftir teimum upplýsingum, tú skrivar í bíleggingini. Tú skalt tryggja tær, at adressa, telefonnummer og møguligar viðmerkingar eru rættar.

Útkoyring er ein tænasta, sum kann vera treytað av staði, tíðspunkti og møguleikum hjá handlinum. Um okkurt er ógreitt, seta vit okkum í samband við teg.

Blómur og myndir

Myndirnar á síðuni eru vegleiðandi. Blómur eru livandi vørur, og tí kunnu litir, støddir og samansetingar vera eitt sindur øðrvísi enn á myndini.

Vit leggja okkum eftir at gera vøruna so vakra og nær myndini sum gjørligt, men tillagingar kunnu vera neyðugar eftir árstíð, úrvali og støðu í handlinum.

Heilsan til kort

Um tú skrivar eina heilsan til kort, verður hon skrivað eftir tí tekstinum, tú hevur latið okkum. Tú hevur sjálv/ur ábyrgd av stavivillum og innihaldi í heilsanini.

Angriættur og afturbering

Blómur og aðrar skjótt spillandi vørur kunnu vanliga ikki latast aftur, tí talan er um vørur, sum verða gjørdar klárar til tín og hava avmarkaða haldførleika.

Um ein vøra er skeiv, skadd ella ikki samsvarar við bíleggingina, skalt tú seta teg í samband við okkum skjótast gjørligt, so vit kunnu finna eina loysn.

Reklamatión

Hevur tú eina reklamatión, skalt tú venda tær til Blómuhúsið skjótast gjørligt. Send okkum eina frágreiðing og gjarna mynd av vøruni, so vit kunnu meta um málið.

Vit viðgera allar fyrispurningar so skjótt sum gjørligt og royna altíð at finna eina rímiliga loysn.

Persónsupplýsingar

Vit brúka tínar upplýsingar til at avgreiða bíleggingina, seta okkum í samband við teg um neyðugt og tryggja, at vøran verður latin rætt. Upplýsingar verða ikki seldar víðari.

Tú kanst seta teg í samband við okkum, um tú hevur spurningar um, hvussu vit viðgera tínar upplýsingar.

Samband

Hevur tú spurningar um handilstreytirnar, eina bílegging ella eina vøru, ert tú vælkomin at seta teg í samband við okkum.